Ki pulit ka Umsning Police Station, ynnin ka sngi da yoh ki wow chim yeiwi i metyap wa da sah sa du i chyieñ na kawi ka khloo kawa em hajan ka 6th Battalion, Umran Niangbyrnai, Ri-Bhoi heiwa neiliang ki pulit da suba joor wa ye u man yong u bru wa tip kam u Carlos Tron uwa na ka chnong Ummar uwa da wiar nadooh ka 11 tarik u Naiynru uni u snem wei da pyntip wut-wut cha kiwa ha-yung ha-sem u wow wan mih ha Umsning Police Station.
Kam wow pynkynmoo wa u Carlos uwa jooh tip leh kam u Jak uwa na ka chnong Ummar, Ri-Bhoi District da wiar u na Umran hadien wa dang liwan u na Lawmali, Shillong deilang ka kurim wa 3 ngut ki paralok yow lai cha chnong Ummar wei hawa poi ha surokbah Umran, u Jak da hiar u dei thmu wow lai jung wei nadooh itai i por ym em de liwan yung u.
Ynne ka sngi neiliang kiwa ha-yung ha-sem da wan ki wow pyntikna wa toh u Jak lyngba ka Sim Card, ka Mobile Phone wa ki sula wa sap u ha ka sngi wa wiar u.
Hawa klam wa kiwa thoh khubor, u Andreas Tron kam uwa ha-yung ha-sem da khana ki wa hadien wa da yoh ki u yaklam wa ki pulit ym em da suba wa em iwon iwon iwa leh sih ya u wa da khlaad wei ye u yap neidaw wa thngan næ wa yoh kjut wei da chim noh yei wa dang sah u yow rah noh cha ka chnong yow ye u pyndep ya ka niam ka rukom.
