Ka thaw sumaar khmat kawa thymme yong ka Mission Nethralaya Eye Care Jowai Branch, kawa em ha laad Mookyrdup, Ladthadlaboh, Jowai da wai ka ha kani ka 1 tarik da u Wailadmiki Shylla, MLA deiwa emlang ki dkhot ka Mission Nethralaya Eye Care Shillong wa ki kattu katni ki waheh chnong ka Jowai wa ki manbei manpa na ki dong ki chnat.
Hachwa wow sdang ya ka yalang da yoh i duwai wa tbian na u Tbn. A. Kharkongor na ka Balang Presbyterian Thadlaboh.
Heiyatoh wa ka thong kani ka Mission Nethralaya da yoh i batai na u Dr. Ferdinand Rapthap uwa man kam u Course Director ka Mission Nethralaya Institute Shillong uwa da ong wa kani man ko kam chibynta ka “Mission Trust”.
U MLA hawa e yei klam da ong u wa dap u dei kmen wa em kam kani ka thaw sumaar khmat ka wow pynsuk ya ki bru kiwa em ha chnong Jowai wa kiwi kiwi ki chong neibhah ki khmat man ki kiwa emkaam bha ha u bru, kamtæ emkaam bha u leh ya ka Check-Up neipor cheipor.
Da yoh leh i klam na u Dr. S.P. Saikia uwa man ka u MS Ophthalmologist yong ka Mission Nethralaya uwa da pynche chooh chooh chaphang kani ka “Mission Trust”.
Hadien ini da yoh i klam e khublei na ka Dr. Valencha Surong kawa man kam ka Medical Director yong ka Mission Nethralaya Shillong.
Ha kani ka thaw sumaar khmat ye phi u yoh ya ka Full Eye Check-Up da ki kor Computer kawa man katkam ka juk wa katni.
Kani ka Mission Nethralaya Eye Care Jowai Branch man ko kawa wai nadooh 9:30 AM hadooh 5:00 PM (Monday-Saturday).
