Ka Commonwealth Weightlifting Championships ka wa man ka lympung wow ioh u psiah iakhun ha ka lympung Commonwealth Games 2026 da pynman ka ha India.
Ha kani ka Weightlifting Championships, kawa ioh takma ha ka Olympics na Manipur, India ka Mirabai Chanu da ioh Takma Ksiar ko ha ka Women’s 48 kg Category ynnin ka sngi ha Ahmedabad.
Ka Mirabai da rah ko yei khia waroh 194 kg wow chna ia ka Commonwealth Championships Record ha ka Snatch (wow rah na khyndaw hajrong khlieh), Clean and Jerk (wow rah na khyndaw ha tympha neitæ ha jrong khlieh deiwa yieñ khyrngang) ha ka kyrdan Women’s 48 kg. Kini ki 193 kg kynthup ki ya ka 84 kg ha ka Snatch wa 109 kg ha ka Clean and Jerk heiwa pynar da man ki ki Record wa thymme ha ka Commonwealth Championships.
Hadien wa pynthymme ka International Weightlifting Federation’s (IWF) ia ka Weight Category, ka Mirabai Chanu wa juh iakhun ha ka 49 kg ) ia kawa da pyndooh), da hap iakhun noh ko ha ka kyrdan 48 kg.
Kani man ko ka Takma wa san ka Mirabai Chanu ha ka Commonwealth Weightlifting Championships. Chwa ini da ioh Takma Ksiar ko ha u snem 2013,2017 wa 2019 wa Takma Rupa ha u snem 2015.
Ka Commonwealth Games 2026 u man ko ha Glasgow.
