Ki ialehke ka Thadlaskeiñ Sports Association (TSA) da pteiñ ki ynne da ar tylli ki ialehke 2nd Division wa ka wi ka Super Division.
Ha ka ialehke wa nyngkong ka 2nd Division, ka Iawpynsin Wahiajer SC da jop ko ia ka Mukhla Wahchnong SC da 3-2.
Ia ka Iawpynsin Wahiajer SC da thap da u Markatjuh Dkhar ha ha minit 23,u Iohkmen Mynsong ha ka minit wa 65 wa u Donbok Iakai ha ka minit wa 70 katwa ia ka Mukhla Wahchnong SC da thap da u Lumlang Nongpluh (Own Goal) ha ka minit wa 30 wa u Rolling Nongrum ha ka minit wa 48.
Ha ka ialehke wa ar, ka Namdong-A SC da jop ko ia ka Iongshiwat SC da 6-1.
Ia ka Namdong-A SC da thap da u Paitlang Dkhar (Own Goal) ha ka minit wa 21, u Starwell Sungoh ha ka minit wa 27, 52, wa u Phien Dkhar ha ha minit wa 50 wa u Bormi Myria ha ka minit wa 65, 70, katwa ia ka Iongshiwat SC da thap da u Ebormi Suja ha ka minit wa 3.
Ha ka Super Division, ka Nongkhroh Krem Kum SC da jop ko ia ka Mookyndur SC da 3-0 da ki kool wa thap da u Anthony Mynsong ha ka minit wa 10, u Tanlangki Kmah ha ka minit wa 49 wa u Teilang Pyngrope ha ka minit wa 90+1.
Ki ialehke ha ha 28 tarik man ki kamni:
2nd Division
Mainroad Wahiajer SC Vrs Iawthymblein (10:00 AM)
Niriang United SC Vrs Nongdhar Nongthymme (12:00 PM)
Super Division
Mukhla Raij SC Vrs Pohskur Phyllong Iingkhaw Sc (2:00 PM)
