Ka 3rd Division ka West Jaintia Hills District Sports Association (WJDSA) kawa tip leh kam ka 5th Adelbert Laloo Memorial Trophy da pteiñ biang ynne ka sngi da em le tylli ki ialehke dei lang kawa ka ialehke ka 2nd Division ka wa tip kam ka 8th Debo Shullai Memorial Trophy.
Ha ka ialehke wa nyngkong ka 3rd Division, ka Lumchyrmang Mihmyntdu da jop ko ia ka Y.S.Welfare Pynthorlangteiñ da 2-0 da ki kool wa thap da u Pynshai Biam ha ka minit wa 36 wa u Fredy Chyrmamg ha ka minit wa 57.
Ha ka ialehke wa ar, ka Tpep-Pale da jop ko ia ka Lion Socio & Cultural da 6-0 ki kool wa thap da u Reynar Mujat ha ka minit wa 33,45, wa u Wansa Oo Biam ha ka minit 38,41,wa u Ebormi Bareh ha ka minit wa 49 wa u Kenny Rymbai ha ka minit wa 56.
Ha ka ialehke wa le da kut ko da 1-1 ha pyrdi ka Youth Welfare Iooksi wa ka Saindur Mihmyntdu,ia ka Youth Welfare Iooksi da thap da u Lasterwell Suchiang ha ka minit wa 67 katwa ia ka Saindur Mihmyntdu wan da thap da u Fastermi Phawa ha ka minit wa 41.
Ha ka 2nd Division,ka Dongmihsngi da jop ko ia ka Shangpung Khliehmuchut da 2-1. Ia ka Dongmihsngi da thap da u Daioshwa Siangshai ha ka minit wa 25 wa u Benison Suchiang ha ka minit wa 69 katwa ia ka Shangpung Khliehmuchut da thap da u Bantei Langstang ha ka minit wa 10.
Mynstep ka 27 tarik August 2025 daw em So tylli ki ialehke,ha ka 3rd Division daw em 3 tylli ki ialehke hei por 10:00 AM ka Loompyrdi Iongpiah SC pyrshah ia ka Catholic Youth Mihmyntdu SC, hei por 11:30 AM ka Mokymphad Mihmyntdu SC pyrshah ia ka Umchangyiar SC, heipor shitein sngi 1:00 PM ka Mooknor Nangbah SC pyrshah ia ka Riatsaliya Mihmyntdu SC, hadien wa kut ini i jingialehke daw em sa ka wi ka jingialehke 2nd Division hei por 2:30 PM ka Moosalyngkat SC pyrshah ia ka Mupliang SC..
Khublei shibun
