Ki pulit ka East Khasi Hills hadien wa ya yoh ki wow kem hadooh 5 tylli ki suloi napoh ki kari wa suba wa em wa ieh ha rood sarok hajan ka yung krehkaam u SP ha Shillong, da ong ki wa ki bru wa kit ya kitai ki suloi ymtoh kiwa na ka chnat pulit næ na ki chnat chipai wei ka takit dang lai ko chakhmat.
Katkam wa ong ka khubor na ki pulit, da antaad wa kini toh ki suloi Air Gun kiwa da pynemkaam yow pynytieñ bru da ki heh spah heiwa da booh ki leh ya ka Siren ha ka kari deiwa em leh kiwa synraan namo ki Bodyguard kiwa da bood kam ki pulit SOT.
Da suba leh wa u tre yong kini ki kari wa ki suloi ye u man u heh spah uwa da lai pyntieñ deilang wa ki bru u wa ki tiar siat tangwa ym pu tip cheiwon em ki wei lada chah rah ki ha ki pulit.
Kam wow pynkynmoo wa ya ki suloi da yoh napoh ka kari Scorpio wa em Number ML-05AF-0309 katwa napoh ka Toyota Innova wa em Number Temporary T0922ML7411A da chem ya ki Combat Vest wei kawi won ka kari toh ka kari Audi ka wym pu em Number.
