Uwa shong shong ka Mynkre ka wa dang hap hapoh ka Elaka Narpuh, u Wanshwa Nongtdu da lai iashem u wa u Chairman ka Meghalaya Transport Corporation (MTC) iow da wa pynkrehkam biang ia ka Bus ka MTC na Umkiang sha Jowai.
U Wanshwa da ong u wa ka MTC jooh pynlai Bus ko na kani ka luti nadooh ki por wa na shwa iwa iarap ia kiwa shong shnong, kiwa lai skur kamjooh kiwa khaii tang wa da pynsangeh noh tang wa da emkam biang wow sdang ia ka.
Da ong u leh wa kani da emkam bha womw sdang biang ia ka Bus neibhah wom biang ki kari kamai wei i long i man u sarok katni da ktah bha ko iei lai i wan i kit i bah ia ki mar ki mata iwa da ktah kylla leh iei kamai kajih ki bru.
Kamtae deiwa sdang biang ia kani ka Bus daw iarap ko shibun. Neiliang u Chairman da mynjur u ieini wei da kular u wow shimkhia.
