Ki pulit ka ANTF Meghalaya ynne ka miet da yoh ki wow kem yei drugs Yaba Tablet kiwa khia 596.82 grams wa em 6000 tylli ki kuli kiwa da kit hapoh kawi ka kari wa kit baam dakha.
Neiliang ki pulit da yoh ki wow kem ya uwi u bru wa tip kam u Salnang M. Sangma (35 snem), wei dang thooh ya u tre kari Renault Duster (ML05 R 6828), kawa da suba toh kawa mantre da kawi ka Hotel wa em ha Lapalang, Shillong.
U tre kani ka kari toh uwa suba wa emkti ha ini i kaam khayi drugs.
Ya ini drugs da yoh wow kem heipor 8:00 waje i miet ha Sawlad, Block-F, Madanriting, hadien wa ki pulit ka ANTF da pynsangeh ki ya kani ka kari deiwa em wa pyntip chwa heiwa ya kini ki Yaba Tablet da murieh bha hapoh kani ka kari.
Ini i drugs toh iwa chongdor da ki lak tangka wei katkam ka aiñ ini dawai kuli Yaba toh kiwa man kam ki Methamphetamine iwa da man pyrchah ya ka aiñ wow dai, u pynemkaam wei wow ksoh ki.
Neiliang ki pulit dang thooh ki ya kiwi kiwa emkti ha ini i kaam.
