Ki dkhot ka KSU Delhi Unit ynne i miet da pyntip cha ki da kawi ka Nurse kawa na Shillong wa u Doctor ka AIIMS Delhi wa da em kawi ka kynthai Khasi kawa na Shillong kawa da wan booh ha kani ka Hospital da uwi u bru wei da man ko kawa da mynsoo bha.
Ka President ka KSU Delhi Unit, ka Marbiang Khongwir da pyntip ko wa katkam wa da lai yaklam ki wa ki pulit wei katkam ka Report, kani ka kynthai toh kawa da mynsoo bha wei ym tip yei pyrtuid ko neibhah ym em chem kiwon kiwon ki kot ki sla na ka.
Tangwa da tip tikna wa em uwi u chynrang u wym tip uyi oo uwa wan booh ka cha Hospital wei toh uwa na Noida uwa da ong wa ini wa jia ya ka toh neidaw wa oor ko tangwa ym sñiaw ye ngiat neidaw ki chyieñ krung, ki kjat, u tympong toh kiwa da takha joor wei ki chyieñ man ki kiwa da Fracture.
Neiliang ka Marbiang da yoh ko leh wow yaklam lyngba ka Phone wa ka Nurse kawa em Duty heipor wa wan booh ya kani ka kynthai heiwa da pyntikna ko wa da wan booh ka da uwi u chynrang.
