U Chief Minister ka Assam, u Himanta Biswa Sarma ynne da sdang u ya ka Scheme thymme wow pynman ya ki kynthai na ki Self-help Group (SHG) kam ki “Lakhpati Didis” namo ki kynthai wa kamai da ki lak chi snem.
U Himanta da ong u wa 40 lak ngut ki kynthai embynta ki wa ki SHG ha Assam, heiwa 8 lak na ki toh kiwa da man ki kam ki Lakpati Didi kiwa kamai da ki lak ha chi snem. Wow pynbood yeini deiwa krehlang wa ki Bank, daw e yarap poisa Rs. 1 lak cha ki 35 lak ngut ki kynthai ha ki le Instalment yow poi ki cha ka thong.
Kani ka Scheme daw pynkhlan ko ya ki kynthai wow seiñ kreh ki khamtam ha ki thaw palatsor.
Chirup weini u Himanta da pynbna u wow kyrchaan ya u Prime Minister Narendra Modi hajrong i thmu wow pynsuk ya ka Goods and Services Tax (GST) deiwa pynhiar ya ki ar Slab—5% wa 18%.
