U Adelbert Nongrum, MLA ka North Shillong ynne i janmiet da lai u wow e mynsien wei e khublei ya ka chnat pulit lyngba ka Officer In-charge ka Lumdiengjri Police Station yow e kti ya ka poisa wa man kam ka buskit kawa Rs. 10,000.
Ini i lai e buskit toh yow pyndep yeiwa da kular u nachwa wa lada em kiwon kiwon kiwa pyntip hajrong i chah dung thyrnia kawi ka khynnah kynthai ha ki ar ngut ki bru iwa da jia ha ka 18 tarik u Nasaphra ha madan Student, Jaïaw.
U Adelbert hawa klam cha kiwa thoh khubor, da pynsñiaw u yei sñiawngooh wei e khublei ya ki pulit kiwa da kreh chitom wei kiwa da ye wow pynmih pyrthai noh yeiwa jia du ha ki kajiak por.
Da pynkynmoo u leh hajrong i jia hei chah pynyap u Raja Raghuvanshi heiwa ki pulit da kreh chitom ki wow e lut waroh yow chem yeiwa sakhiat.
Kamtæ da ong u wa ini wa jia dung thyrnia, da man ko i kaamram yong oo kam u MLA wow e mynsien ya ki pulit deiwa e ya ka song pisa kawa Rs. 10,000 wow nang kreh chitom chooh chooh.
Chooh chooh da ong u wa daw lumlang ya ki dorbar chnong kiwa haap hapoh ka Constituency yow thooh ki laad ki luti yow pyndooh ya ki jait kaam wa sih.
