U Myntri ka tnad Excise u Bah Kyrmen Shylla u la ong ba ka sorkar shen kan sa pyntreikam noh ia u QR Code Tracking System ha ka tnad Excise khnang ban pyntikna ba kan ym don shuh kano kano ka jinglait tuh ka khajna na ka Kyiad.
Haba kren sha ki lad pathai khubor ha ka 28 tarik Nailar, u Myntri u la ong ha kaba nyngkong ka tnad ka la buh ban sdang pyntreikam naduh u bnai Nailar, hynrei ia kane ka por la pynjlan namar ka jingkyrpad na ka liang ki nongdie kyiad bad namar ka jingdonkam ia ka jingdon lang u Myntri Rangbah haba pyllait ia ka.
U Myntri u kyrmen ruh lah ban sdang pyntreikam noh ia u QR Code Tracking System ha shuwa ka jingsdang jong ka Dorbar Synrai ban wan, bad ka ban shong eh ha ka jinglap por u Myntri Rangbah ka Jylla.
Haba kylli, u Bah Kyrmen u pyntip ba ka tnad ka la trei shitom ban pyntam ia ka jingioh lum khajna na u snem uba la dep.
Watla um don satia ia ka jingkhein kaba tikna bad u, hynrei u Myntri ula kular ba ka tnad kan trei shitom ban kynjoh ia kane ka thong.
